Employment Online Registration : வேலைவாய்ப்பு அலுவலகத்தில் பதிவு செய்வது எப்படி?

தமிழகத்தில் இதுவரை வேலைவாய்ப்பு அலுவலகங்களுக்கு நேரில் சென்றுதான் கல்வித் தகுதியைப் பதிவு செய்ய முடியும் என்ற நிலை இருந்து வந்த நிலையில், தற்போது அனைத்துப் பணிகளையும் வீட்டிலிருந்தபடியே ஆன்லைனில் செய்து கொள்ள முடியும்.

ஏற்கெனவே வேலை வாய்ப்பு அலுவலகங்களில் பதிவு செய்தவர்கள், இந்த இணைய தளத்தில் தங்களது பதிவு எண்ணை உள்ளிட்டு தங்களது கல்வி விவரங்களை சரிபார்த்துக் கொள்ள முடியும்.

இன்று நாம் புதியதாக ஆன்லைனில் பதிவு செய்வது எப்படி என்று பார்ப்போம். இதற்கு குடும்ப அட்டை, சாதி சான்றிதழ், 10th (or) 12th மதிப்பெண் அட்டை கண்டிப்பாக கையில் வைத்திருத்தல் வேண்டும்.

முதலில் இணையதள முகவரி http://www.tnvelaivaaippu.gov.in என்ற இணையதளத்திற்கு சென்று

Click here for new user ID registration என்று இருக்கும் அதை கிளிக் செய்தால் ஒரு விண்டோ ஓபன் ஆகும் அதில் I agree என்று சொடுக்கி அடுத்து வரும் பக்கத்தில் பதிவு செய்யும் விண்ணப்பதாரரின் பெயர், ஈமெயில் முகவரி, user id என்ற இடத்தில் புதியதாக ஒரு ID கொடுக்கவும், பின்பு அப்பா பெயர், பிறந்த தேதி, குடும்ப அட்டை எண்ணையும் Image Code என்ற இடத்தில் கீழே கொடுக்கப்பட்டிருக்கும் codeஐ கொடுத்து Save செய்தால் உங்களுகென்று ஒரு ID Create ஆகி விடும்.

வேலைவாய்ப்பு அலுவலகத்தில் பதிவு செய்வது எப்படி

அடுத்து வரும் பக்கத்தில் உங்களது Personal detail, Contact detail, Qualification detail, Technical detail ஆகியவற்றை பூர்த்தி செய்து Save செய்தால் உங்களது Register Number Create ஆகிவிடும்.


குறிப்பு 1 : Qualification detail பூர்த்தி செய்தவுடன் add என்று பட்டன் இருக்கும் அதை கிளிக் செய்தால் ஒரு சின்ன விண்டோ ஓபன் ஆகும் அதில் கிளிக் செய்து Save கொடுக்கவும். இதே போன்று Technical Detailம் செய்ய வேண்டும்.

குறிப்பு 2 : மேலே சொன்ன அனைத்தும் முடிவடைந்தவுடன் Home பகுதிக்கு சென்று பார்த்தால் Print ID Card என்று இருக்கும் அதை கிளிக் செய்து பிரிண்ட் எடுத்து
கொள்ளலாம்.

குறிப்பு 3 : ஏதேனும் தவறாக செய்திருந்தால் Home பகுதியில் Modify Contact இருக்கும் அதில் சென்று மாற்றி கொள்ளலாம்.

குறிப்பு 4 : Update Profileல் சென்று Renewal செய்து கொள்ளலாம்.


Renewal செய்வதற்கான குறிப்பு :

உதாரணத்திற்கு Register Number இப்படித்தான் இருக்கும்.
Register Number : RPD2013M00007502
வேலைவாய்ப்பு அலுலகத்தின் குறியீட்டு எண்: ARD - என்பது ( வேலைவாய்ப்பு அலுவலகம், RAMANATHAPURAM )
பதிவு செய்த ஆண்டு : 2013
ஆண் / பெண் : M
பதிவு எண் : 7502

பதிவு எண் என்பது 8 இலக்க எண்ணாக இருத்தல் வேண்டும், அப்படி இல்லாமல் 4 இலக்க எண்ணாக இருந்தால் முன்னதாக 4 பூஜ்ஜியங்களை சேர்த்துக்கொள்ளவும்.

User ID : RPD2013M00007502
Password : dd / mm / yyyy
கடவு சொல்லில் உங்களது பிறந்த தேதியை கொடுக்கவும்.
உங்களது ID CARD இப்படிதான் இருக்கும்..

அவ்வளவு தான் நண்பர்களே.. இனி கால விரையமுமின்றி வீட்டில் இருந்தபடியே ஆன்லைனில் பதிவு செய்து கொள்ளலாம்.

Job Tonic ஜாப்டானிக் : இணைய வேலைவாய்ப்பு அலுவலகம்

படித்தவர்களோ, படிக்காதவர்களோ யாராக இருந்தாலும், எதாவது ஒரு வேலைக்குப் போய் சம்பாதித்து தன்னையும் குடும்பத்தையும் காப்பாற்ற வேண்டும் என்று நினைப்பார்கள். அந்த வகையில் ஒவ்வொருவருக்கும் வேலை என்பது முக்கியம்.

இன்றைய காலகட்டத்தில், ஏறக்குறைய எல்லா நாடுகளிலும் வேலையில்லாத் திண்டாட்டம் அதிகரித்துள்ளது. இருந்தாலும், தகுதியானவர்களுக்கு வேலை கிடைத்துக்கொண்டுதான் இருக்கிறது. தன்னுடைய எதிர்காலத்தை நல்லவிதமாக, மகிழ்ச்சியாக அமைத்துக்கொள்ள மனத்துக்குப் பிடித்த வேலை வேண்டும் என்று எல்லோரும் நினைக்கின்றனர்.

தொழில்நுட்ப வளர்ச்சி மற்றும் இன்டர்நெட் வசதி மேம்பட்டுள்ள நிலையில், பெரும்பாலானவர்கள் தங்களுக்கான வேலையை இன்று இன்டர்நெட் மூலம் தேடுகின்றனர். அதுவும், கம்ப்யூட்டரும் இன்டர்நெட்டும் இருப்பவர்கள் தங்கள் வீடுகளில் இருந்தே தங்களுக்கான வேலையைத் தேடுகின்றனர்.

Job Tonic website :

ஜாப்டானிக்' - இணைய வேலைவாய்ப்பு அலுவலகம்

ஜாப்டானிக் என்ற இணையத்தளம், வேலைவாய்ப்புக்காகவே பிரத்யேகமாக உருவாக்கப்பட்டுள்ளது. இன்டர்நெட் மூலம் வேலை தேடுவோருக்கான மிகச் சிறந்த தளமாக இந்த ஜாப்டானிக் உருவாக்கப்பட்டுள்ளது. தினமும், புதுப் புது வேலை வாய்ப்புகள் குறித்த அறிவிப்புகள் இந்தத் தளத்தில் வெளியிடப்படுகின்றன.

வேலை வாய்ப்புகள் குறித்த உடனடித் தகவல்கள் :

பெரிய பெரிய அரசு மற்றும் தனியார் தொழில் நிறுவனங்கள், அலுவலகங்கள் உள்ளிட்டவற்றில் தற்போது காலியாக உள்ள பணியிடங்கள் பற்றிய உடனடித் தகவல்களை இந்த ஜாப்டானிக் இணையத்தளத்தில் தெரிந்துகொள்ள முடியும். இதுதவிர, மற்றவர்களுக்கும் இதுபற்றிய தகவல்களைப் பகிர்ந்துகொள்ள முடியும்.

ஜாப்டானிக் இணையத்தளத்தில், வேலை வாய்ப்பு குறித்த தகவல்கள் பல்வேறு பிரிவுகளாகப் பிரித்துத் தரப்படுகிறது. இதன்மூலம், ஒருவர் தன்னுடைய தகுதிக்கும், விருப்பத்துக்கும் ஏற்ற வேலை வாய்ப்பை எளிதாகத் தேர்ந்தெடுக்க முடியும்.

இந்த ஜாப்டானிக் இணையத்தளம், முதல்கட்டமாக தமிழகத்தில் கோயம்புத்தூர் பகுதியில் உள்ள வேலை வாய்ப்புகள் குறித்த தகவல்களைத் தொகுத்து அளிக்கிறது. அந்த வகையில், கோயம்புத்தூரில் வேலை தேடுபவர்கள் இந்த ஜாப்டானிக் இணையத்தளம் மூலம் தங்களுக்கான வேலையைத் தேடிக்கொள்ளலாம். அத்துடன், கோயம்புத்தூரில் எந்தப் பகுதியில் உங்களுக்கு வேலை வேண்டும் என்பதையும் குறிப்பிட்டுத் தேடிக்கொள்ளலாம்.

வேலை தேடுவோருக்காக மேலும் பல வசதிகளும் இந்தத் தளத்தில் உள்ளன. உங்களுடைய விருப்பமான வேலை என்ன, எவ்வளவு சம்பளத்தில் வேலை வேண்டும் என்பதையெல்லாம் பட்டியலிட்டால், அதற்கேற்ற வேலை வாய்ப்புகள் எங்கெங்கு உள்ளன என்பதை இந்தத் தளம் பட்டியலிட்டுக் கொடுத்துவிடும். அதில் இருந்து நீங்கள் உங்களுக்குப் பிடித்த வேலையைத் தேர்ந்தெடுத்துக்கொள்ளலாம்.

தகவல் தொழில்நுட்பம், விற்பனை, வடிவமைப்பு, பொறியியல் என்பது உள்ளிட்ட பல்வேறு துறைகளில் உள்ள வேலை வாய்ப்புகள் குறித்த தகவல்களை உடனுக்குடன் இந்தத் தளத்தில் தெரிந்துகொள்ள முடியும்.

ஜாப்டானிக்கின் மாபெரும் சேவை :

ஜாப்டானிக் இணையத்தளம் மூலம் வேலை தேட விரும்புவர்கள், முதலில் தங்களைப் பற்றிய சரியான தகவல்களைக் கொடுத்து பதிவு செய்துகொள்ள வேண்டும். பதிவு செய்யப்படும் தகவல்கள், வேறு யாருடனும் எந்த நிலையிலும் பகிர்ந்துகொள்ளப்படமாட்டாது என்ற உத்தரவாதத்தை ஜாப்டானிக் தருகிறது. பதிவு செய்துகொண்டவர்களுக்கு, அவர்களுடைய எதிர்பார்ப்புக்கு ஏற்ற வேலை வாய்ப்புகள் என்னென்ன, எங்கெங்கு உள்ளன என்பது பற்றிய தகவல்களை இந்தத் தளம் உடனுக்குடன் அனுப்பிவைக்கும்.

இந்த ஜாப்டானிக் இணையத்தளம் முற்றிலும் இலவசமானது. யார் வேண்டுமானாலும் பதிவு செய்து, வேலை வாய்ப்பு குறித்த தகவல்களை இந்த இணையத்தளம் மூலம் தெரிந்துகொள்ள முடியும். உலகில் எந்த மூலையில் இருந்தாலும், எந்த நேரத்திலும் இந்த ஜாப்டானிக் இணையத்தளத்தைப் பயன்படுத்த முடியும் என்பது இதன் சிறப்பம்சம்.

ஜாப்டானிக்கில் பதிவு செய்யுங்கள், வேலை வாய்ப்பைப் பெறுங்கள், வாழ்க்கையில் மகிழ்ச்சியாக இருங்கள்.

வேலைவாய்ப்புக்கு என பிரத்யேக வெப்சைட் துவங்கிய இந்திய ராணுவம் (Indian Army)

டெல்லி: வேலைவாய்ப்புக்கு என்று பிரத்யேகமாக ஒரு இணையதளத்தை இந்திய ராணுவம் வியாழக்கிழமை அறிமுகப்படுத்தியுள்ளது. 

இந்திய ராணுவ வேலைவாய்ப்புக்கு என்று http://www.joinindianarmy.nic.in/ என்ற இணையதளம் வியாழக்கிழமை துவங்கப்பட்டுள்ளது. அதிகாரிகள், ஜூனியர் கமிஷன் அதிகாரிகள் மற்றும் பிற அதிகாரிகளை இந்த இணையதளம் மூலம் தேர்வு செய்ய திட்டமிடப்பட்டுள்ளது

இந்திய ராணுவம்

புதிய இணையதளத்தை லெப்டினென்ட் ஜெனரல் பிலிப் கம்போஸ் துவங்கி வைத்தார். இது குறித்து ராணுவ செய்தித் தொடர்பாளர் கூறுகையில், ராணுவத்தில் அதிகாரிகளை சேர்க்க இந்த இணையதளம் உதவியாக இருக்கும். ராணுவத்தில் என்ன பணிக்கு ஆட்கள் தேவை என்ற விவரம் இணையதளத்தில் வெளியிடப்படும். அதை பார்த்து தகுதியானவர்கள் விண்ணப்பிக்கலாம் என்றார். ஏற்கனவே செயல்பாட்டில் உள்ள http://indianarmy.nic.in/ என்ற இணையதளத்துடன் இந்த புதிய இணையதளமும் செயல்படும்.